ஒரு வாரம்-ராஷ்மிகா

விஜய் தேவார கொண்டா ராஷ்மிகா ஜோடி படப்பிடிப்புக்கு ஒரு வாரம் லீவு தந்து விட்டு வியட்னாமில் சுற்றி இருக்கிறார்கள் ஜாலியாகத்தான்.

அஜித்

அஜித் நடிக்கும் விடாமுயற்சி படம் அவரது பிறந்த நாளான மே ஒன்றாம் தேதி ரிலீஸ் செய்ய திட்டமிடப்பட்டிருக்கிறது.

திரிஷா

நடிகை திரிஷா தற்போது பாதுகாப்புக்கு பவுன்சர்களை நியமித்திருக்கிறார். படப்பிடிப்புக்கு வரும் போது அவர்களுடன் தான் பாதுகாப்பாக வருகிறார். தொலைபேசியில் அடிக்கடி தற்சமயம் மிரட்டல் அழைப்புகள் வருகிறதாம். அதனால் இந்த பவுன்சர் பாதுகாப்பு என்கிறார்.

அமிதாப் பச்சன்

ரஜினி நடிக்கும் வேட்டையன் படத்தில் அமிதாப் நடிக்கிறார். இப்போது அமிதாப் நடிக்கும் இந்தி படத்தில் ரஜினிய நடிக்க சம்மதிக்க வைத்திருக்கிறார். நீண்ட வருடங்களுக்கு பிறகு மீண்டும் ரஜினி இந்தியில்.

மறுப்பு

கடமையை செய் படத்தில் வில்லன் எஸ்.ஜே.சூர்யாவுக்கு ஜோடியாக நடிக்க வந்த வாய்ப்பை யாஷிகா ஆனந்த் மறுத்துவிட்டார்.

நயன்தாரா

நயன்தாரா நடித்து வெளியான அன்னபூரணி படத்தில் மத உணர்வை புண்படுத்தும் காட்சிகள் இருப்பதாக நயன்தாரா மீது மும்பை மற்றும் உத்தரப் பிரதேசத்தில் போலீசில் புகார் செய்யப்பட்டது. இதனைத் தொடர்ந்து ஓடிடி தளத்திலிருந்து அன்னபூரணி படம் நீக்கப்பட்டது. இப்போது மன்னிப்பு கேட்டு நயன்தாரா அறிக்கை வெளியிட்டு இருக்கிறார். ஆனால் மன்னிப்புக் கேட்டாலும் நயனை ரசிகர்கள் விடுவதாயில்லை. தொடர்ந்து இந்த சர்ச்சை ஓடிக் கொண்டிருக்கிறது.

கீர்த்தி சுரேஷ்

தெறி படத்தின் இந்தி ரீமேக்கில் கீர்த்தி வருண் தவான் ஜோடியாக நடிக்கிறார்கள். இந்தப் படத்திற்கான பூஜை வீடியோவை பட தயாரிப்பு நிறுவனம் வெளியிட்டு இருக்கிறது.

துஷாரா விஜயன்

சார்பட்டா பரம்பரை மற்றும் அநீதி படத்தில் நடித்த துஷாரா விஜயன் தற்போது வேட்டையன் படத்தில் ரஜினி மகளாக நடிக்கிறார்.

நடிகையான டிஜிபி மகள்

டிஜிபி சங்கர் ஜிவால் மகள் தவ்தி ஜிவால் ஜீவாவுக்கு ஜோடியாக அறிமுக நடிகையாக நடிக்க இருக்கிறார். இந்தப் படத்தை லைக்கா நிறுவனம் தயாரிக்கிறது.

விஜய் சேதுபதி

விஜய் சேதுபதி இனி மேல் கௌரவ வேடத்தில் நடிக்க மாட்டேன் என்று முடிவு செய்து இருக்கிறார். தொடர்ந்து அதே மாதிரியான வாய்ப்பு அதிகம் வருவதால் இந்த முடிவு.

மீனாட்சி சவுத்ரி

தெலுங்கில் குண்டூர் காரம் படத்தில் மகேஷ்பாபுக்கு அறிமுக நாயகியாக நடித்து பிரபலமானார். இப்போது வெங்கட் பிரபு இயக்கத்தில் விஜய்க்கு ஜோடி இப்போது சந்தோஷத்தில் நான் வானத்தில் மிதக்கிறேன் என்று மகிழ்ச்சியாக சொல்கிறார் மீனாட்சி சவுத்ரி.

சன்னி லியோன்

வீரமாதேவி என்னும் சரித்திர படத்தில் ராணி வேடத்தில் நடிக்கிறார் சன்னி லியோன். இந்தப் படத்தில் இயக்குனர் நீங்கள் தமிழில் பேசி தான் நடிக்க வேண்டும் டப்பிங் எல்லாம் இந்த வேடத்துக்கு எடுபடாது என்று சொல்லிவிட்டதால் மும்பையில் ஒரு தமிழ் ஆசிரியரிடம் தமிழ் கற்றுக் கொள்கிறார் நடிகை.

சுட சுட

தக்லைஃப்

கமல் நடிக்கும் தக்லைஃப் படத்தின் படப்பிடித்து தொடங்கிவிட்டது. கமல் சம்பந்தப்பட்ட 5 காட்சிகள் படப்பிடிப்பு நடக்கிறது. அதன் பிறகு மீண்டும் மார்ச் மாதம் தொடரும்.

தபு

நடிகர் அஜித் விடாமுயற்சி படத்துக்கு பிறகு ஆதிக் ரவிச்சந்திரன் இயக்கத்தில் நடிக்கிறார். இது அவரது 63-வது படம். இதில் அவருக்கு ஜோடி நடிகை தபு. கனாக்கண்டேன் படத்துக்கு பிறகு இப்போது அஜித்துடன் இணைகிறார் நடிகை தபு.

எஸ்.ஜே.சூர்யா

தற்சமயம் வில்லன் வேடத்தில் நடித்து வரும் எஸ்.ஜே.சூர்யா தன் பெயருக்கு முன்னால் நடிப்பு அரக்கன் என்று டைட்டில் போட தயாரிப்பாளர்களை வற்புறுத்துகிறார்.

தனுஷ்

இனிமேல் தான் இயக்கி நடிக்கும் படங்களை தனது சொந்த கம்பெனி பெயரில் தயாரிக்க முடிவு செய்து இருக்கிறார் நடிகர் தனுஷ்.

சூரி

துரை செந்தில்குமார் இயக்கத்தில் நடிகர் சூரி கதாநாயகன் நடிக்கும் படம் கருடன் சசிகுமார் உன்னி முகுந்து ஆகியோர் முக்கிய வேடத்தில் நடிக்கிறார்கள். சூரி இந்த படத்தில் ஆக்க்ஷன் ஹீரோவாம்.

வடிவேலு

வடிவேலு ஃபகத் ஃபாசில் நடிக்கும் படத்திற்கு மாரிசன் என்று பெயர் சூட்டி இருக்கிறார்கள். இந்தப் படத்தில் வடிவேலுக்கு ஜோடி சித்தாரா.

மீனா

நடிகை மீனா இப்போது மீண்டும் நடிக்க வந்திருக்கிறார். தமிழ் மற்றும் மலையாள படங்களில் நடித்து வருகிறார். இதனிடையே மத்திய அமைச்சர் முருகன் டெல்லியில் பொங்கல் விழா கொண்டாடிய போது சிறப்பு அழைப்பாளராக மீனா அழைக்கப்பட்டார். அதனால் விரைவில் பாரதிய ஜனதாவில் சேர்வார் என்ற பேச்சு வரத் தொடங்கி இருக்கிறது.