ரஜினி

ரஜினிகாந்தின் 170 வது திரைப்படம் டைரக்டர் ஞானவேல் இயக்குகிறார். இந்த திரைபடத்தில் ரஜினிக்கு போலீஸ் அதிகாரி வேடம். தன்னுடன் 33 ஆண்டுகளுக்கு பிறகு மீண்டும் தனது திரையுலக வழிகாட்டி அமிதாப்பச்சனுடன் இணைந்து நடிப்பதில் என் மனம் மகிழ்ச்சியில் துடிக்கிறது என்று படப்பிடிப்பு தளத்தில் ரஜினி சொல்லி ஆனந்தப்பட்டுள்ளார்.மூன்று நாள் மும்பையில் படப்பிடிப்பு நடக்க இருக்கிறது. அங்கு அமிதாப்பச்சன் ரஜினி சம்பந்தப்பட்ட காட்சிகள் படமாக்கப்பட இருக்கின்றன.

நயன்தாரா

மணிரத்தினம் இயக்கத்தில் கமல் நடிக்கும் படத்தில் அவருக்கு ஜோடியாக ஐஸ்வர்யா ராய், திரிஷா ஆகியோர் நடிக்கிறார்கள் என்று சொல்லப்பட்டது. இப்போது அந்த பட்டியலில் நயன்தாரா சேர்ந்து இருக்கிறார்.

விஜய்

வெங்கட் பிரபு இயக்கத்தில் விஜய் நடிக்கும் படத்தில் யார் யார் நடிக்கிறார்கள் என்ற பட்டியலை அதிகாரப்பூர்வமாக பட தயாரிப்பு நிறுவனம் அறிவித்திருக்கிறது. விஜய்க்கு ஜோடி மீனாட்சி சவுத்ரி. இது தவிர பிரசாந்த் பிரபுதேவா, யோகி பாபு, வைபவ், பிரேம்ஜி, ஜெயராம், அஜ்மல், வி.டிவி கணேஷ் ஆகியோருடன் சேர்ந்து சுவாரஸ்யமான வேடத்தில் சினேகா, லைலா ஆகியோர் நடிக்கிறார்களாம்.

கார்த்தி

நலன் குமாரசாமி இயக்கத்தில் நடிகர் கார்த்தி நடிக்கிறார். இதில் ராஜ்கிரன் தீவிர எம்.ஜி.ஆர் ரசிகராக நடிக்கிறார். அவர் பேரன் கார்த்தியும் எம்ஜிஆர் ரசிகர். ஒரு காட்சியில் எம்ஜிஆர் கெட்டப்பில் வர இருக்கிறார் கார்த்தி. இது பக்கா கமர்சியல் படம் என்கிறார் இயக்குனர் கார்த்தி ஜோடி கீர்த்தி ஷெட்டி.

சந்தானம்

80-ஸ் பில்டப் இது சந்தானம் நடிக்கும் படத்தின் பெயர் கதாநாயகி ராதிகா ப்ரீத்தி இது தவிர கே.எஸ்.ரவிக்குமார், ஆனந்த்ராஜ், மன்சூர் அலிகான் என்று நிறைய நடிகர்கள் பட்டாளம் இந்த படத்தில்.

திருமணம்

முன்னாள் கதாநாயகி ராதா மகள் கார்த்திகா இவர் ஜீவா நடித்து கே வி ஆனந்த் இயக்கத்தில் வெளியான கோ படத்தில் கதாநாயகியாக அறிமுகம் அதன் பிறகு சில தமிழ் படம் தெலுங்கு கன்னடம் இது தவிர இந்தியில் தொலைக்காட்சி தொடர் என்று நடித்துக் கொண்டிருந்தவர் திடீரென விருப்ப ஓய்வில் சென்று விட்டார். தற்போது எனக்கு விரைவில் திருமணம் என்று மோதிரம் மாற்றிக் கொள்ளும் ஒரு படத்தை வெளியிட்டு இருக்கிறார் கார்த்திகா.

ராஷ்மிகா

ராஷ்மிகா மந்தனா நடிக்கும் இந்தி படம் அனிமல் டிசம்பர் முதல் தேதி ரிலீஸ். இது தவிர நடிகர் ராகுல் ரவீந்திரன் இயக்கத்தில் ராஷ்மிகா நடிக்கும் படத்துக்கு கேர்ள் ஃப்ரெண்ட் என்று பெயர் வைத்திருக்கிறார்கள். இது ஹீரோயினி சம்பந்தப்பட்ட கதையாம்.

நானி

நானி பிரியங்கா மோகன் நடிக்கும் படத்தில் வில்லன் வேடத்தில் நடிக்கிறார் எஸ். ஜே.சூர்யா.

சுட சுட….

ஃபயர்

பாலாஜி, முருகதாஸ், ரச்சிதா, மகாலட்சுமி, சாக்ஷி, அகர்வால், காயத்ரி ஷான் நடிப்பில் உருவாகும் படத்துக்கு ஃபயர் என்று பெயர் வைத்திருக்கிறார்கள்.தமிழ்நாட்டில் நடந்த ஒரு உண்மை சம்பவத்தை சினிமாவாக எடுத்திருக்கிறார்களாம்.

வாச்சாத்தி சம்பவம்

தமிழ்நாட்டை உலுக்கிய வச்சாத்தி சம்பவம் தொடர்பான பரபரப்பான வழக்கின் தீர்ப்பு சமீபத்தில் வழங்கப்பட்டது. வாச்சாத்தி சம்பவத்தை சினிமாவாக எடுக்க இருக்கிறார்கள். நடிகை ரோகினி இந்த படத்தை இயக்குகிறார். ஜெய் பீம் நாயகி லிஜோ மோள்நடிக்க இருக்கிறார்.