ராஷ்மிகா

கன்னடத்தில் அறிமுகம் ஆகி தெலுங்கு தமிழ் படங்களில் நடித்த ராஷ்மிகா இந்திக்கு போனார். அவர் நடித்த மிஷன் மஞ்சு குட்பை படங்கள் பெரிய அளவில் பேசும்படி இல்லை. இப்போது ரன்பீர் சிங் உடன் அனிமல் படத்தில் நடிக்கிறார். டிசம்பர் மாதம் முதல் தேதி இந்த படம் வெளியாகிறது. இந்தப் படம் தனக்கு பெரிய வெற்றியைத் தேடித் தரும் என்று நம்பிக் கொண்டிருக்கிறார்.

துருவ நட்சத்திரம்

கௌதம் மேனன் இயக்கத்தில் விக்ரம் ரித்து வர்மா பார்த்திபன் ராதிகா சிம்ரன் விநாயகம் மற்றும் பலர் நடித்த துருவ நட்சத்திரம் படம் ஐந்தாண்டுகளாக தயாராகிக் கொண்டு இருந்தது. இப்போது ஒரு வழியாக நவம்பர் 24-ஆம் தேதி ரிலீஸ் என்று அறிவித்திருக்கிறார்கள்.

எமி ஜாக்சன்

குழந்தை குடும்பம் என்று லண்டனில் குடும்ப வாழ்க்கை நடத்திக் கொண்டிருந்த நடிகை எமி ஜாக்சன் மீண்டும் பட வாய்ப்பு கேட்டு இந்தியா வந்து அருண் விஜய் உடன் மிஷின் சாப்டர் ஒன் என்ற படத்தில் நடிக்கிறார். இது போதாது என்று கன்னடத்தில் பெரிய பட்ஜெட் படம் ஒன்றில் நடிக்க பேசிக் கொண்டிருக்கிறார். எமி ஜாக்சனை பொருத்தவரை நான் இப்படி நடிக்க மாட்டேன் அப்படி நடிக்க மாட்டேன் என்று நிபந்தனை எல்லாம் போட மாட்டார். எனவே அவருக்கு பட வாய்ப்புகள் அதிகம் வர வாய்ப்பு.

வருத்தம்

கமல் தனது ராஜ்கமல் நிறுவனம் மூலம் ரஜினியை வைத்து ஒரு படம் தயாரிக்க விரும்பினார். லோகேஷ், கனகராஜ் இயக்குனர் என்றும் சொல்லிவிட்டார். ஆனால், ரஜினி ஏனோ கமலுக்கு அந்த வாய்ப்பை வழங்காமல் மீண்டும் சன் பிக்சருக்கு படம் தயாரிக்கும் வாய்ப்பு வழங்கி விட்டார். இதனால் கமலுக்கு சின்ன வருத்தம் ரஜினி மீது.

ஆயிரம் கோடி

அட்லி இயக்கத்தில் ஷாருக்கான் நயன்தாரா நடித்த ஜவான் படம் ஆயிரம் கோடி ரூபாய் வசூல் செய்து சாதனை படைத்திருப்பதாக அதிகாரப் பூர்வமாக அறிவித்திருக்கிறார்கள். இருந்தாலும், நயன்தாராவுக்கு வருத்தம் தான் சம்பந்தப்பட்ட காட்சிகள் அதிக அளவு எடிட் செய்து விட்டு தீபிகா படுகோன் காட்சிகள் அதிகமாக இருக்கிறது என்பதுதான்.

கீர்த்தி ஷெட்டி

விஜய் சேதுபதி இப்போது படத்துக்கு ஒப்புக் கொள்வதற்கு முன் தனக்கு ஜோடி யார் என்று கேட்டு தெரிந்து கொள்கிறார். கீர்த்தி ஷெட்டி என்றால் வேண்டாம் என்கிறார். காரணம் தெலுங்கு படத்தில் கீர்த்தி ஷெட்டிக்கு அப்பாவாக நடித்திருக்கிறாராம் விஜய் சேதுபதி. அப்பாவாக நடித்துவிட்டு டூயட் பாட முடியாது என்று எதார்த்தத்தை சொல்லி மறுக்கிறார்.

சிரஞ்சீவி

சிரஞ்சீவி நடிக்கும் 157 -வது படத்தில் ஐஸ்வர்யா ராய், அனுஷ்கா, மிருணாள் தாக்கூர் என்று மூன்று நாயகிகள். படப்பிடிப்பு நவம்பர் மாதம் தொடக்கம்.

சுடச்சுட….

வில்லன்

இந்தி படம் ஒன்றில் வில்லனாக நடிக்க இருக்கிறார் பிரபுதேவா.

இறுகப்பற்று

விக்ரம் பிரபு ஸ்ரத்தா ஸ்ரீநாத் விதார்த் அபர்ணா ஸ்ரீ சானியா ஐயப்பன் நடிக்கும் இறுகப்பற்று படம் அக்டோபர் ஆறாம் தேதி திரைக்கு வருகிறது.

இறைவன்

ஜெயம் ரவி நயன்தாரா நடித்த இறைவன் படத்திற்கு சென்சார் ‘ஏ’ சான்றிதழ் தந்திருக்கிறது.

செல்வராகவன்

இன்னும் பெயரிடப்படாத பான் இந்தியா திரைப்படத்தில் செல்வராகவன் முக்கிய வேடத்தில் நடிக்க இருக்கிறார். இந்தப் படத்தில் இயக்குனர் ராஜீவ்மேனன் மகள் சரஸ்வதி மேனன் கதாநாயகியாக அறிமுகமாகிறார். புதுமுக இயக்குனர் ரெங்கநாதன் இந்த படத்தை இயக்குகிறார்