மக்கள் பார்வையில் கம்பர்

கோல நாட்டுச் செல்வ வளத்தை
கற்பனைக் கவித்துவமாக
நம் மனக்கண்ணில் காட்சிப் படுத்தும்
பால காண்டத்து நாட்டுப் படலப்பாடல்

சூட்டுடைத் துணை தூ நிற வாரணம்
தாள் துணைக்குடைய தலைசால் மணி
மேட்டு இமைப்பன மின்மினி ஆம் எனக்
கூட்டின் உய்க்கும் குரீஇயின் குழாம் அரோ

உச்சிக் கொண்டை உடைய
தூய நிறத்தை உடைய சேவல்கள்
தம் கால்களால் குப்பைகளைக்
குடையத் தகுதி மிக்க மாணிக்கங்கள்
குப்பை மேடுகளில் ஒளிர்கிறது

குருவிக்கூட்டங்கள் அதை
மின் மினிப் பூச்சிகள் என்று
நினைத்துத் தம் கூடுகளில் வைக்க
இரவு நேரத்தில் அக்கூடு
பிரகாசமாய் ஜொலிக்கிறது
என்பதே இப்பாடலின் பொருள்

கற்பனைக் காட்சியை நம்
மனக்கண்ணில் நிலை நிறுத்தி
கோசல நாட்டு செல்வவளத்தைப்
பாமர மக்களுக்கும் எளிதில்

புரியும் படி கவி பாடிய கவி கம்பரைப்
பாராட்டி வாழ்த்தி மகிழ்வோம்

மீண்டும் சந்தித்துச் சிந்திப்போம்