செயின்ட் மைக்கேல் தேவாலயம் இந்தியாவின் மும்பையின் (பம்பாய்) புறநகர்ப் பகுதியான மாஹிம்(Mahim)மில் உள்ள பழமையான கத்தோலிக்க தேவாலயங்களில் ஒன்றாகும். எல். ஜே. சாலை மற்றும் மாஹிம் காஸ்வே சந்திப்பில் அமைந்துள்ள இந்த தேவாலயம், அதன் இருப்பிடம் காரணமாக பேச்சுவழக்கில் மாஹிம் சர்ச் என்று அழைக்கப்படுகிறது.

இது ரயில் மற்றும் சாலை மூலம் நன்கு இணைக்கப்பட்டுள்ளது. மாஹிம் லோகல் ரயில் நிலையத்திலிருந்து சரியாக ஒரு கிலோமீட்டர் தொலைவில் உள்ளது. ஒருவர் நடந்து, சுமார் 11 நிமிடங்களில் தேவாலயத்தை அடையலாம்.

இங்கு நடக்கும் ஒவ்வொரு புதன் கிழமையும் நோவினாக்களுக்குப் புகழ்பெற்றது.

மும்பைக்கு வருகை தரும் எந்தவொரு வருகையாளரின் பயணத் திட்டத்திலும் மாஹிமில் உள்ள இந்த செயின்ட் மைக்கேல் தேவாலயம், பார்க்க வேண்டிய இடமாக உள்ளது.

மத வேறுபாடுகளைக் கடந்து, கிறிஸ்தவர்கள் மற்றும் கிறிஸ்தவர்கள் அல்லாத பக்தர்கள், மிகவும் பிரபலமான இந்த தேவாலயத்திற்கு தங்களது மனமார்ந்த வேண்டுகோளை பூர்த்தி செய்யுமாறு பிரார்த்தனை செய்கிறார்கள். கன்னி மேரிக்கு மரியாதை செலுத்தவும், ஒவ்வொரு புதன்கிழமையும் மிகுந்த எண்ணிக்கையில் கூடி பிரார்த்திக்கின்றனர். தொடர்ந்து ஒன்பது புதன்கிழமைகளில் (நோவீனா) தேவாலயத்திற்குச் செல்வதால், பிரார்த்தனைகளுக்குப் பதில் கிடைக்கும் என்பது பரவலாக நம்பப்படுகிறது. அவர்கள் இந்து முறைப்படி மலர் மாலைகளை அணிவித்து, படத்திற்கு முன் மீண்டும் பிரார்த்தனை செய்கிறார்கள். அவர்களில் சிலர் தாங்கள் விரும்பும் மெழுகு உருவங்களை வழங்குகிறார்கள், எடுத்துக்காட்டாக, ஒரு மெழுகு வீடு.

ஒவ்வொரு வாரமும் சுமார் 40-50,000 பக்தர்கள் தேவாலயத்திற்கு வருகிறார்கள்.

நோவினா

1948 ஆம் ஆண்டு வாராந்திர நவநாள் ஆராதனைகள் ஆரம்பிக்கப்பட்டது, அப்போது மும்பையைச் சேர்ந்த ஒரு பாதிரியார் Fr.எட்வர்ட் பிளாசிடஸ் ஃபெர்னாண்டஸ் , ஐரோப்பாவிற்கு தனது விஜயத்தின் போது, ​​வடக்கு அயர்லாந்தின் பெல்ஃபாஸ்டில், எவர் லேடி ஆஃப் பெர்பெச்சுவல் சக்கரைக் கொண்டாடும் இதேபோன்ற சடங்குகளைக் கவனித்தார் . Fr. பெர்னாண்டஸ் ரோமில் உள்ள எங்கள் லேடி ஆஃப் பெர்பெச்சுவல் சக்கர் படத்தைத் தொட்ட ஒரு படத்தை அவருடன் கொண்டு வந்தார். செப்டம்பர் 8, 1948 அன்று - மேரியின் பிறந்தநாள், அதே ஆண்டு ஒரு புதன்கிழமையுடன், Fr. விகாராதிபதி பெர்னாண்டஸ் முதல் நவநாள் ஆராதனைகளை தொடங்கினார்.

நோவீனாக்கள் தொடங்கியபோது ஒவ்வொரு புதன்கிழமையும் இரண்டு சேவைகள் மட்டுமே நடத்தப்பட்டன. தற்போது காலை 6.00 மணி தொடக்கம் இரவு 9.30 மணி வரை சேவைகள் பதினாறாக அதிகரிக்கப்பட்டுள்ளன. மும்பையின் காஸ்மோபாலிட்டன் தன்மையைப் பூர்த்தி செய்யும் வகையில், செயின்ட் மைக்கேல் தேவாலயத்தில், மாஹிம் ஆங்கிலம், மராத்தி, இந்தி, கொங்கனி மற்றும் தமிழ் ஆகிய மொழிகளில் சேவைகளை நடக்கிறது.

வரலாறு

அசல் செயின்ட் மைக்கேல் தேவாலயம் 1534 ஆம் ஆண்டில் மாஹிமில் பிரான்சிஸ்கன் ஆணைப்படி ஆண்டனியோ டோ போர்டோவால் கட்டப்பட்டதாக நம்பப்படுகிறது. அப்போது, ​​சர்ச் பிரான்சிஸ்கன் கான்வென்ட்டாகவும் பணியாற்றியது மற்றும் மாண்டவே ஆற்றின் கரையை அடிப்படையாகக் கொண்டது. இது ஒரு "பெரிய மற்றும் அழகான தேவாலயம், போர்ட்டல் முன் பெரிய வராண்டா ..." என்று விவரிக்கப்படுகிறது..

இது பம்பாயில் உள்ள பழமையான தேவாலயங்களில் ஒன்றாக கருதப்படுகிறது.

மும்பை மீது 1739 ல் மராத்தா படையெடுப்பின் போது, ​​பாந்த்ராவில் உள்ள சின்னமான மவுண்ட் மேரி பசிலிக்காவிலிருந்து புனித கன்னி மேரியின் சிலை பாதுகாப்பிற்காக 1761 ஆம் ஆண்டு வரை இங்கு வைக்கப்பட்டது.

ஷெப்பர்ட் தனது 1917 வருஷத்திய புத்தகத்தில், செயின்ட் மைக்கேல்ஸ் போர்த்துகீசிய சர்ச் தெருவில் அமைந்திருப்பதாகவும், "அறியப்பட்ட நான்கு போர்த்துகீசிய கட்டிடங்களில் இதுவும் ஒன்று என்றும் குறிப்பிடுகிறார்; மேலும் இவை மிகவும் புனரமைக்கப்பட்டதால், வேறு எந்த அசல் அம்சமும் இல்லை". தேவாலயம் பல முறை புனரமைக்கப்பட்டது, செயின்ட் மைக்கேல்ஸின் தற்போதைய அமைப்பு 1973 இல் மீண்டும் கட்டப்பட்டது.

வத்திக்கனால் புனித மைக்கேல் தேவாலயத்திற்கு அன்பளிப்பாக கையால் வரையப்பட்ட பெண்மணியின் உருவப்படம் வழங்கப்பட்டது. இது ரோமில் காட்சிப்படுத்தப்பட்ட அசல் சின்னமான ஓவியத்தின் சரியான பிரதியாகும்.